ყველა ადამიანს აქვს ინტერესები, გეგმები და მიზნები. გამომდინარე იქიდან, რომ ფინანსური რესურსები შეზღუდულია, ამ მიზნების მისაღწევად მნიშვნელოვანი გამოწვევების წინაშე ვდგებით. ეფექტიანი დაგეგმვითა და მართვით, დასახული მიზნების მიღწევა შესაძლებელია.
     პირადი ფინანსების მართვა საკმაოდ კომპლექსური საკითხია და ხშირ შემთხვევაში საჭიროებს სპეციალისტის ჩარევას – რჩევასა და კონსულტაციას.
ფინანსური კონსულტაციების მიზნობრივ აუდიტორიად, ძირითადად, კორპორატიული სეგმენტი მოიაზრება მაშინ, როცა ფინანსურ საკითხებთან დაკავშირებული რეკომენდაციები არანაკლებ მნიშვნელოვანია ფიზიკური პირებისთვის.
     ამ მიმართულებით საკმაოდ დიდი პრაქტიკული გამოცდილება არსებობს მსოფლიო მასშტაბით. საქართველოში კი, სულ უფრო ნათლად ჩანს ასეთი მომსახურების საჭიროება.
     ფინანსურ სფეროში მიღებულმა გამოცდილებამ და შემდგომმა კვლევებმა საშუალება მოგვცა დავხმარებოდით მეგობრებსა და ოჯახის წევრებს საკუთარი ფინანსების სწორად დაგეგმვაში. შედეგები კი საკმაოდ ხელშესახები იყო. აღნიშნულმა გარემოებამ და ბაზარზე არსებულმა სიტუაციამ მნიშვნელოვნად განაპირობა ჩვენი გადაწყვეტილება – დაგვეარსებინა ფიზიკურ პირებსა და საოჯახო მეურნეობებზე მორგებული ინოვაციური სტარტაპი “ჩემი ფინანსური რჩეველი”.